Për ish të dashurin e saj, DJ-në skocez ka thënë se ai është një njeri i mrekullueshëm të cilin vazhdon ta adhurojë

Këngëtarja dhe aktorja britanike me origjinë shqiptare edhe pse karriera po i ec për mrekulli, kohët e fundit nuk po ndjehet mirë.

Shkak i kësaj është ndarja nga Calvin Harrisi, me të cilin ishte në lidhje për rreth 1 viti.

“Më duhet të jem e sinqertë dhe t’ju them se nuk po ndjehem aspak mirë”, ka deklaruar këngëtarja për revistën “Glamour”, dhe ka shtuar se po mbahet më mirë se që kishte menduar.

Për ish të dashurin e saj, DJ-në skocez ka thënë se ai është një njeri i mrekullueshëm të cilin vazhdon ta adhurojë. Rita mendon se ndarja ka ndodhur jo vetëm për shkak të atyre dyve por edhe për shkak të angazhimeve që i kanë pasur, dhe si rrjedhojë vazhdimisht kanë qenë larg njëri tjetrit.

Ajo hapur e ka shprehur zhgënjimin që lidhja e tyre nuk ka funksionuar.

“Gjithmonë kam menduar se diçka që dëshiron me shpirt, atë edhe e realizon. Prandaj ndarja më ka ardhur si një dush i ftohtë”, ka rrëfyer këngëtarja të cilës tashmë i është dhënë rasti që të tregohet edhe si aktore në filmin “Fifty Shades Of Gray”, e që pritet të shfaqet vitin e ardhshëm.

Rita në këtë film do ta luajë motrën e kryepersonazhit. E, që është krenare që është pjesë e filmit më të përfolur viteve të fundit, e ka treguar edhe me fotografinë e bërë në sheshxhirim, e që e ka postuar më pas në Instagram. / KultPlus.com