Një zyrtar policor në Lipjan është kanosur përmes rrjeteve sociale, ka njoftuar Policia e Kosovës.

Rasti ka ndodhur dy ditë më parë, kur ankuesi, një mashkull kosovar me detyrë zyrtare në Policinë e Kosovës, raportoi se një person i panjohur kishte publikuar një fotografi të tij, të shoqëruar me mesazhe kërcënuese që lidhen me profesionin e tij.

Autoritetet kanë iniciuar rastin dhe hetimet janë duke u zhvilluar nga njësitë relevante policore. /Insajderi