Përmes një postimi të bërë në faqen zyrtare të tij, kryetari i Komunës së Lipjanit Imri Ahmeti ka njoftuar se ka përfunduar montimi i 100 serave për këtë vit, kurse së shpejti pritet të filloj montimi i 95 serave të tjera.

Sipas tij, deri më tani janë shpërndarë rreth 1,425 mjete bujqësore, si motokultivatorë, freza, spërkatës dhe shpërndarës të plehut mineral si dhe pritet që të shpërndahen edhe 338  mjete të tjera bujqësore. E gjithë kjo për arsye të mbështetjes ndaj fermerëve lipjanas.

Poashtu, ai bëri me dije se gjatë viteve të fundit janë shpërndarë gjithsej 1,100 sera për familje që merren me kultivimin e bimëve të ndryshme. /LipjaniNews/