Kryqi i Kuq i Kosovës, dega në Lipjan, organizoi garat tradicionale të ndihmës së parë në sheshin “Adem Jashari”, me pjesëmarrjen e nxënësve të gjimnazit “Ulpiana” në Lipjan, paraleles së ndarë në Gadime, si dhe të shkollës profesionale “Adem Gllavica”.

Me këtë rast, Kryetari i Komunës së Lipjanit, z. Imri Ahmeti, përgëzoi të rinjtë për pjesëmarrjen dhe angazhimin e tyre në gara të këtij lloji.

“Këto gara kanë një rëndësi të veçantë, sepse i ndihmojnë të rinjtë të jenë të përgatitur për të reaguar shpejt dhe me efikasitet në situata të vështira dhe emergjente, ku shpesh varet edhe jeta e njerëzve”, tha kryetari Ahmeti.

Aktivitete të tilla kontribuojnë në rritjen e ndërgjegjësimit dhe zhvillimin e aftësive praktike të të rinjve në fushën e ndihmës së parë, duke i pajisur ata me njohuri të vlefshme për jetën. /LipjaniNews/