Kryetari i Komunës së Lipjanit, Imri Ahmeti vizitoi fermerët në fshatin Sllovi znj. Valbona Rama Sopa si dhe fermerin z. Osman Kryeziu të cilët merren me kultivimin e kulturave të ndryshme bujqësore në sera.
Me këtë rast, kryetari Ahmeti theksoi se fermerët japin një kontribut të rëndësishëm në prodhimin vendor.
“Fermerët përbëjnë shtyllën kryesore të zhvillimit rural dhe mbështetja ndaj tyre mbetet një nga prioritetet kryesore të komunës”, tha kryetari z. Imri Ahmeti.
Gjatë vizitës, ai inspektoi edhe rrugën e re të shtruar me zhavorr e cila lehtëson qasjen në tokat bujqësore dhe transportin e prodhimeve dhe njëkohësisht ka lidhur dy rrugët kryesore të fshatit.
