Policia Kosovës ka njoftuar se është arrestuar i dyshuari kosovar pasi i njëjti dyshohet se kishte kanosur verbalisht tre viktimat meshkuj kosovarë.
Raporti plotë nga Policia:
KANOSJE /ARMËMBAJTJE PA LEJE
Fsh. Akllap, Lipjan / 13.04.2025 – 15:15.
Është arrestuar i dyshuari kosovar pasi i njëjti dyshohet se kishte kanosur verbalisht tre viktimat meshkuj kosovarë. Gjatë kanosjes sipas viktimave i dyshuari e ka ekspozuar edhe një armë.
I dyshuari është arrestuar dhe nga i njëjti është sekuestruar një lodër plastike në formë të armës dhe dy thika.
Në konsultim me prokurorin pas inicimit të rastit i dyshuari është dërguar në mbajtje.
