Komuna e Lipjanit ka njoftuar se sot është publikuar lista e studentëve përfitues të bursave për vitin akademik 2024/2025, duke shënuar një rritje të numrit të studentëve përfitues të mbështetjes financiare.

“Këtë vit, 323 studentë kanë përfituar bursë prej 500 eurosh, një rritje prej 153 studentësh krahasuar me 170 studentët që morën të njëjtën shumë gjatë vitit akademik 2023/2024” thuhet në njoftim.

“Kjo rritje e numrit të bursave është rezultat i zotimit të Kryetarit të Komunës së Lipjanit, z. Imri Ahmeti, për rritjen e numrit të bursave për studentët dhe inkurajimin e të rinjve në rrugëtimin e tyre akademik”, thuhet tutje.

“Lista e plotë e përfituesve është publikuar në faqen zyrtare të Komunës së Lipjanit”, thotë Komuna e Lipjanit.