Kryetari i Komunës së Lipjanit Imri Ahmeti i shoqëruar nga bashkëpunëtorët e tij, ka pritur sot në takim Ambasadorin e Britanisë së

Madhe në Kosovë z. Jonathan Hargreaves.

Kryetari Ahmeti dhe ambasadori Hargreaves kanë diskutuar çështje të ndryshme por theks më të veçantë i kanë dhënë zhvillimit ekonomik në Komunën e Lipjanit, pozites së gruas në shoqëri dhe pushtetin lokal në Kosovë, njoftoi Komuna e Lipjanit.

Kryetari z. Imi Ahmeti fillimisht ka falenderuar amasadorin Hargreaves për viziten në Lipjan, duke shprehur mirënjohjen ndaj tij për kontributin dhe mbështjetjen e Britanisë së Madhe ndaj Kosovës si një aleat i pazëvendësueshëm.

Ahmeti po ashtu ka infomuar ambasadorin për karakteristikat e Komunës së Lipjanit dhe çështjet tjera aktuale rreth realizimit të projekteve, ka njoftuar Komuna e Lipjanit.

Nga ana tjetër, Ambasadori Jonathan Hargreaves e falënderoi Kryetarin Ahmeti për pritjen, e njëkohësisht theksoi se mbështetja e Britanisë së Madhe në drejtim të Kosovës do të vazhdojë edhe më tutje, për të avancuar në çdo drejtim raportet mes të dyja vendeve.