Në sallën e sporteve “Better Life” në Lipjan, sot për herë të IV është mbajtur festivali mbarëkombëtar i këngës për fëmijë, “Lipjani Këndon”

Kryetari i Komunës së Lipjanit z. Imri Ahmeti ka potencuar se ky festival është një mundësi e mirë që gjeneratat e reja të shpalosin talentet e tyre në këndim.

“Është ndjenjë e veçantë të shikosh talentin e fëmijëve në përformimin e tyre në këndim kjo neve na bën që të vazhdojmë të investojmë edhe më shumë në organizime të tilla e të cilat kanë karakter garues por edhe promovues të këtyre talentëve e të cilët Lipjani i ka të shumtë” ka thënë kryetari Ahmeti, njofton Komuna e Lipjanit.

Kryetari Ahmeti ka shtuar se synimi kryesor i këtij manifestimi është që në vitet e ardhshme të zgjerohet, pasi është jashtëzakonisht i rëndësishëm sepse u jep të gjithë fëmijëve mundësinë që të jenë pjesë e këtij festivali.

Në fund të festivalit janë ndar çmime dhe mirënjohje për të gjithë fëmijët pjesëmarrës.