Instituti Hidrometeorologjik i Kosovës ka bërë të ditur se të shtunën parashihet të mbajë mot me diell dhe vranësira të shpërndara.
Sipas këtij instituti, edhe të dielën parashihet të mbajë mot me diell dhe pjesërisht i vranët, përcjell Klankosova.tv.
“Të shtunën parashihet të mbajë mot me diell dhe vranësira të shperndara.Temperaturat minimale do të lëvizin ndërmjet 7-10 gradë Celsius, ndërsa maksimalet e ditës parashihen të lëvizin ndërmjet 22-25 gradë Celsius”.
“Të dielën parashihet të mbajë mot me diell dhe pjesërisht i vranët. Vranësirat vende-vende, kryesisht rreth relievi malor parashihen të sjellin riga shiu. Temperaturat minimale do të lëvizin ndërmjet 7-9 gradë Celsius, ndërsa maksimalet e ditës parashihen të lëvizin ndërmjet 20-23 gradë Celsius. Do të fryjë erë kryesisht nga juglindja me shpejtesi 1-5m/s”, thuhet në njoftim.
