Kryesuar nga nënkryetari i komunës, z. Diamant Bytyqi, Këshilli Komunal për Siguri në Bashkësi – KKSB, sot ka mbajtur takimin e rregullt, të katërtin për këtë vit, ku u diskutua për gjendjen e sigurisë në komunën tonë.
Në këtë takim u prezantuan raportet për gjendjen e sigurisë në territorin e komunës së Lipjanit, ku u tha se gjendja në Lipjan vazhdon të jetë e qetë dhe stabile, njofton Komuna.
Po ashtu gjatë këtij takimi u diskutua edhe pika tjetër e rendit të ditës, fillimi i vitit të ri shkollor dhe siguria në shkolla. Me theks të veçantë është ngritur si shqetësim mungesa e furnizimit me libra për nxënësit nga ana e Ministrisë së Arsimit.
Nga anëtarët e KKSB-së u paraqitën edhe disa shqetësime të identifikuara të qytetarëve që kanë të bëjnë me sigurinë publike.
