(E plotësuar) Një grup i maturantëve dhe studentëve të Fakultetit të Mjekësisë e kanë ndërprerë protestën e paralajmëruar për sot pasi i ka thirrur rektori i UP-së Anton Berishaj në një takim të mbyllur, e ku janë pajtuar që testet e tyre të rishqyrtohen veç e veç dhe të vërtetohet saktësia e tyre.

Ardita Asllani, një nga organizatoret e protestës ka thënë se u morën vesh që të presin derisa të rishqyrtohen testet e tyre.

Protestojnë para Rektoratit, kërkojnë shqyrtimin e testeve

Një grup i të rinjve kanë dalë para rektoratit të UP-së për të kërkuar rritjen e numrit të studentëve në Fakultetin e Mjekësisë, si dhe shqyrtimin e testeve të grupit, pasi sipas tyre kanë qenë dy pyetje gabim.

Zyrtarët e UP-së i kanë ftuar nxënësit brenda në një takim me rektorin ku edhe janë aktualisht. /Telegrafi/