Sekretari amerikan i Shtetit, Antony Blinken i ka bërë thirrje Kosovës e Serbisë që të marrin veprime për t’i ulur tensionet në veri të vendit.
Blinken tha se të dyja palët duhet të angazhohen në dialogun e udhëhequr nga BE-ja, teksa dënoi sulmet ndaj ushtarëve të KFOR-it.
“Shtetet e Bashkuara dënojnë fuqishëm sulmet e djeshme kundër paqeruajtësve të KFOR-it dhe u bëjnë thirrje të dyja palëve të ndërmarrin veprime për të ulur tensionet”, tha ai, njofton Klankosova.tv.
