Këngëtari i njohur shqiptar, Butrint Imeri, ka qenë shumë i përfolur gjatë këtyre ditëve në media.

Kjo pasi ai vazhdimisht është parë teksa publikon fotografi të ndryshme me vajza anonime, pa treguar identitetin e tyre apo se çfarë lidhje ka me to.

E një gjë të tillë vazhdoi ta bënte edhe në serinë e fundit të fotografive që ka ndarë me ndjekësit e tij në rrjetin social Instagram.

Butrinti ka publikuar disa fotografi nga pushimet në Meksikë, në një prej të cilave ai shfaqet i shoqëruar nga një femër në bikini e cila qesh në krahët e tij.

Ndërkohë që nuk munguan edhe fotografitë e tjera ku ai shfaqej në plazh, duke treguar muskujt e tij dhe duke shijuar çaste të këndshme në bregdet.

Shumë prej komentuesve kanë aluduar se fakti që ai publikon shpesh fotografi me femra në krah, ka të bëjë me faktin që ish-e dashura e tij, Kiara Tito, u martua së fundmi në një dasmë publike me këngëtarin Luiz Ejlli në Big Brother VIP Albania. /Telegrafi/