Kryetari i Komunës së Lipjanit, Imri Ahmeti, sot në zyrën e tij ka pritur zëvendëskomandantin e Komandës Regjionale – Lindje të KFOR-it Amerikan në Kampin “Bondsteel”, Nënkolonelin Rrustem Burhan i shoqëruar nga Nënkoloneli Travis Kirchner dhe pjesëtarë të tjerë të KFOR-it turk nga LTM të vendosur në Lipjan.

Gjatë këtij takimi, Kryetari Ahmeti dhe zv Komandanti Burhan, kanë biseduar rreth sigurisë në Komunën e Lipjanit vizionit të së ardhmes, por edhe për punët të cilat janë duke u bërë në gjithë territorin e komunës si dhe çështje të tjera më rëndësi.

Zëvendëskomandanti Burhan, ka përgëzuar udhëheqjen e komunës për punën dhe ka vlerësuar lartë kontributin e tyre në shërbim të qytetarëve. 🇺🇸 🇽🇰