Për nderë të 7 Marsit-Ditës së Mësuesit, Drejtoria Komunale e Arsimit në Lipjan, ka organizuar ceremoninë e zgjedhjes së punëtorit të dalluar të vitit 2023, me ç’rast janë ndarë mirënjohje edhe për mësimdhënësit e dalluar në secilën shkollë.

Mësimdhënësi i dalluar për këtë vit në nivel komune është zgjedhur Tefik Rashiti nga Shfmu “Vëllezërit Frashëri” në Lipjan.

Ndarja e mirënjohjeve është bërë nga Nënkryetari i Komunës së Lipjanit Diamant Bytyqi dhe Drejtori i Drejtorisë së Arsimit në Lipjan Rasim Hasani, të cilët njëkohësisht i’u kanë uruar festën dhe kanë vlerësuar lartë punën dhe kontributin e secilit në kuadër të shkollave respektive.