Ish-ushtarë të UÇK-së, Murat Mehmeti, në një intervistë për “Info Magazinë” në Klan Kosova, në urimin e 15-vjetorit të Pavarësisë së Kosovës, ndër te tjera tha duhet të jemi më të bashkuar dhe të punohet për shtetin.

Ai gjithashtu tha se kemi mundur që të kemi Kosovën më të mirë, përcjell Klankosova.tv.

“Kemi menduar që duhet të jetë edhe më mirë, kemi pasur mundësi, i kemi pasur të gjithë parametrat që të jetë më mirë, më të zhvilluar, më të bashkuar. Ne shqiptarët duhet të jemi të bashkuar e të punojmë për shtetin, ashtu siç na ka hije”, u shpreh tutje

Mehmeti tutje e ka konsideruar edhe si mungesë të madhe mungesën e krerëve të UÇK-së.

“Për të gjithë shqiptarët që kanë një pikë gjaku, që mendojnë që jemi shqiptarë të vërtetë, është një mungesë e madhe. Ata kanë dhënë gjithçka për këtë vend, e tani ata të jenë mungesë në këtë vend është mëkat i madh, është një mungesë e madhe”, tha ai.