Gjatë ditës së sotme, Kuvendi i Komunës së Lipjanit udhëhequr nga Kryesuesi, Daut Azemi ka zhvilluar punimet e mbledhjes së 14-të me radhë, në të cilën u aprovuan të gjitha pikat e rendit të ditës të cilat ishin propozuar për këtë seance.

Kryetari Imri Ahmeti, së bashku me drejtorët e drejtorateve komunale kanë dhënë sqarime në të gjtha çështjet dhe pyetjet e ngritura nga anëtarët e Kuvendit të Komunës.

Në këtë seancë, Kuvendi i Komunës ka aprovuar propozim vendimin për Miratimin e Planit Lokal të Veprimit në Mjedis, propozim vendimin për Miratimin e Planit për Integritet në Komunën e Lipjanit, propozim vendimin për publikimin e listës së veqantë pronave të paluejtshme të komunës që planifikohen për dhënien në shfrytëzim për vitin vijues 2023, propozim vendim për miratimin e Planit për Vlerësimin e rrezikshmërisë nga fatkeqësitë natyrore dhe fatkeqsitë tjera në territorin e Komunës së Lipjanit.

Gjatë punimeve të kësaj seance u raportua edhe për zbatimin e Planit të Integritetit në Komunën e Lipjanit si dhe u dha një informatë nga Këshilli Komunal Koordinues Komunal në mbrojtje të viktimave të dhunës në baza gjinore.