Një tjetër vajzë ‘kurajoze’ dhe këngëtare shqiptare e sapoafirmuar, është shprehur se nuk e ka problem të luajë një film erotik.

Iva Aliko gjatë një interviste dhënë në emisionin Oktapod të Turjan Hyskajt, është shprehur se do të pranonte filma ku të evidentohej lakuriqësia, por jo filma pornografikë, transmeton Mapo.

Duke shfaqur një “stil” disi të zhveshur, por duke mos pranuar që kërkon famë me nxjerrjen në pah të “aseteve” të saj, Aliko thotë se nuk ka të dashur, por që do të lidhet vetëm me të huaj, pasi meshkujt shqiptarë janë shumë paragjykues dhe xhelozë.

Këngëtarja që së shpejti do të promovojë edhe klipin e saj, deklaron se vjen nga një familje që kanë të ardhura të konsiderueshme dhe se studion për shkenca politike.

Për Ivën, ish-kryeministri shqiptar, Sali Berisha, është idhulli i saj dhe në një botë tjetër, do të flirtonte me shumë dëshirë me të.