Drejtuar nga Kryetari i Komunës, Imri Ahmeti, sot është mbajtur mbledhja konsultative e Bordit të Drejtorëve.

Në këtë takim u diskutua për dinamikën e shpenzimit të buxhetit dhe realizimin e të hyrave vetanake sipas planifikimit buxhetor, mbi mbarvajtjen e punëve dhe projekteve në teren por edhe përgaditjet e festave të fundvitit.

Kryetari Imri Ahmeti ka kërkuar nga drejtorët angazhim në përmbushjen e objektivave siç janë paraparë deri në përmbyllje të buxhetit por fokus të veçantë të kenë edhe ndërtimin e planit për vitin ardhshëm.

Po ashtu gjatë këtij takimi është diskutuar për menaxhimin e punëve të përditshme me theks të veçantë për rendin shtëpiak në objektin e ri të administratës. Ndërkohë u themeluan dy komisione që do të evidentojnë dhe regjistrojnë materialet e nevojshme për arhivim si dhe komisioni për rixhistrimin e aseteve të vjetra në objektet ku ka funksionuar deri tash administrata.