Ambasadori i Gjermanisë në Kosovë, Jorn Rohde, ka reaguar pas vendimit të Kurtit për shtyrjen 24 orëshe të shqiptimit të gjobave për targat.

Rohde, ka mbështetur deklaratën e SHBA-së për, duke dhënë se është absurde të rrezikohet përshkallëzimi i situatës për targat.

“Mirë që kemi më tepër kohë për të punuar me palët e interesuar për gjetjen e zgjidhjes”.

“E përsëris, është absurde të rrezikohet përshkallëzimi për targat”, deklaroi ai.

Ndërkaq, Ambasadori amerikan në Kosovë, Jeffrey Hovenier, ka thënë se Shtetet e Bashkuara i kanë kërkuar Qeverisë së Kosovës shtyrje 48-orëshe të vendimit për shqiptimin e gjobave, për t’i lejuar zyrtarët evropianë dhe ata amerikanë që të angazhohen me Kosovën dhe Serbinë për të gjetur zgjidhje për këtë çështje.

Si përgjigje ndaj kërkesës së ambasadorit amerikan, Kurti ka thënë se është i gatshëm të punojë me SHBA-në dhe BE-në për të gjetur zgjidhje në dy ditët e ardhshme.

Lidhur me vendimin e ri të Kurtit, ende nuk ka reagim nga Bashkimi Evropian./Telegrafi/