Me këtë rast, Kryetari i Komunës së Lipjanit, Imri Ahmeti, është shprehur i lumtur që Komuna e Lipjanit është komuna e parë që po e fillon Javën Globale të Ndërmarrësisë në Kosovë me një aktvitet shumë të rëndësishëm për dialogun publiko privat në nivelin lokal.

“Ne sot në Lipjan po e fillojmë këtë Javë Globale të Ndërmarrësisë që është ngjarja më e rëndësishme e ndërmarrësisë, e cila ka për qëllim t’i bëjë bashkë ndërmarrës, inovatorë, punëdhënës dhe akterë tjerë, që synim kanë zhvillimin e ideve të reja, krijimin e vendeve të reja të punës, rritjen e mirëqenies dhe zhvillimin ekonomik”, ka thënë Kryetari Ahmeti, duke shtuar se Komuna e Lipjanit ka ndërmarrë disa veprime por akoma duhet një angazhim i përbashkët që të shënohet progres i vazhdueshëm progres i cili është shumë i nevojshëm që do të jetë partneritet i vazhdueshëm me një këshill i cili do të përfaqësoj bizneset e Lipjanit dhe ky hap që sot po shënohet është një ndër hapat që do të ndihmonte në progresin e mëtutjeshëm.

Kryetari Imri Ahmeti, po ashtu ka ftuar bizneset që të jeni pjesë aktive e këtij këshilli e të jenë prezentë në takimet periodike që parashihen të mbahen, në mënyrë që të evidentohen të metat dhe të nxjerrë rekomandimet e nevojshme për përmirësimin e ambientit të të bërit biznes.

Nga ana tjetër, Ramadan Klisurica, Zëvendës Drejtor i aktivitetit të USAID-it Qeverisja e Pronës, ka falenderuar Komunën e Lipjanit për bashkëpunimin, duke theksuar se përgjatë një një jave në muajin Nëntor, USAID-i në Kosovë me partner e bashkëpunëtor do të promovojë ndërmarrësinë nëpërmjet aktiviteteve të dizajnuara për të vënë në pah potencialin e ndërmarrësve të rinj dhe inovatorëve.