Sot, në një ceremoni zyrtare Kryetari i Komunës, Imri Ahmeti dhe Vlora Tuzi Nushi, Shefe e Zyrës së UN Women në Kosovë, kanë nënshkruar Memorandum të Mirëkuptimit mes Komunës së Lipjanit dhe UN Women Kosova për Buxhetimin e Përgjegjshëm Gjinor, njofton Komuna.

Përmes këtij memorandumi synohet Barazi Gjinore dhe jetë më të mirë për gratë dhe burrat përmes buxhetimit të përgjegjshëm gjinor.

Ky Memorandum i zotohet për prioritizim të aspektit gjinor përmes aktiviteteve të parapara si në në integrim gjinor në programet vendore, zbatim dhe monitorim i tyre, nëpërmjet aplikimit të buxhetimit të përgjegjshëm gjinor si mjet.

Fuqizim i kapaciteteve të administratës komunale dhe përmbushja e zotimeve sipas Ligjit për Barazi Gjinore. Avancim i proceseve të planifikimit dhe programit të buxhetimit të përgjegjshëm gjinor në nivel vendor.

Shkëmbimi i përvojave në nivel kombëtar dhe rajonal dhe mësimi nga praktikat e mira të vendeve të tjera në prezantimin e buxhetimit të përgjegjshëm gjinor e aktiviteteve të tjera.