Është arrestuar një person i kërkuar në Ferizaj.

Policia njofton se arrestimi i 32 vjeçarit me iniciale I.S. është bërë sot në orën 06:00 në fshatin Lloshkobare

Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’Sulm ndaj personit zyrtar’’ me dënim burgimi prej 18 muajve.

“Pas kompletimit të dokumentacionit, i njëjti është dërguar në vuajtje të dënimit. Drejtoria Rajonale e Policisë në Ferizaj, do të vazhdojë me realizimin e urdhëresave të gjykatës ndaj personave që ende nuk iu kanë përgjigjur thirrjes së gjykatës”, njofton më tej policia, transmeton Klankosova.tv.