Një 19 vjeçar nga Lipjani është gjetur pa shenja jete në një garazh, në fshatin “Hallaq i Madh” të Lipjanit.

Vdekjen e viktimës e ka konfirmuar ekipi i mjekëve pasi kanë dalë në vendin e ngjarjes.

“Policia menjëherë ka dalë në vendin e ngjarjes dhe ka nisur një hetim mbi vdekjen, dhe me kujdes të shtuar po ndërmerr të gjitha veprimet e duhura hetimore dhe ekzaminuese, që do të ndihmonin hetimin e ngjarjes si dhe ndriçimin e plotë të rastit”, thuhet në përgjigjen e policisë për Klankosova.tv.

Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore për obduksion, si dhe kanë nisur hetimet për zbardhjen e ngjarjes.

Po ashtu Drejtori Shkollës “Adem Gllavica”, Skender Rudari, i cili i ka dërguar një telegram ngushëllime familjes së të ndjerit.

“E nderuar familja Krasniqi, me pikëllim të thellë morëm lajmin për humbjen e parakohshme të jetës së djalit tuaj e nxënësit tonë të klasës 12/7 Alton Krasniqi”.

“Andaj më lejoni të ju shpreh ngushëllime në emrin tim personal dhe në emër të gjithë profesorëve, nxënësve dhe punëtorëve tjerë të SHMP ‘Adem Gllavica’ në Lipjan”, ka shkruar Rudari.

Të ndjerin ka thënë se do ta kujtojnë përherë si nxënës të zgjuar, të urtë dhe të dashur për të gjithë.

“Ngushëllime familjes! Me respekt drejtori i shkollës, Skender Rudari”.