Nënkryetari i Komunës së Lipjanit, Diamant Bytyqi dhe Drejtori i Organizatës “Qatar Charity”, Esam Dabab sot kanë nënshkruar marrëveshje bashkëpunimi për shpërndarjen e granteve në sektorin e bujqësisë për fermerët dhe familjet në Komunën e Lipjanit, me qëllim të fuqizimit ekonomik të këtyre familjeve.
Gjatë nënshkrimit të këtij bashkëpunimi, Nënkryetari Bytyqi ka falënderuar organizatën Qatar Charity për bashkëpunimin e mirë dhe korrekt që kanë treguar deri më tani dhe për ndihmën e vazhdueshme që po japin për qytetarët e Komunës së Lipjanit me gjendje jo të mirë ekonomike.
Komuna e Lipjanit viteve të fundit ka bashkëpunuar ngusht me organizatën Qatar Charity dhe ky bashkëpunim do të vazhdojë edhe në të ardhmen.