Norvegjia do të mbyllë kufijtë dhe portet e saj për kamionët dhe anijet ruse, kështu duke iu bashkuar një vargu sanksionesh të vendosura nga Bashkimi Evropian për luftën në Ukrainë.

Por, Ministria e Jashtme e Norvegjisë ka bërë të ditur se anijet e peshkimi përjashtohen nga sanksionet, shkruan Aljazeera, transmeton Klankosova.tv.

“Anijet ruse të peshkimit, të cilat shpesh zbarkojnë kapjen e tyre në portet në veri të Norvegjisë, do të marrin përjashtime nga sanksionet. Arkipelagu Arktik Svalbard i Norvegjisë, i cili vepron sipas një traktati të viteve 1920 që lejon aksesin e zgjeruar të huaj, gjithashtu do të përjashtohet” thuhet në njoftimin e ministrisë.