Targat e automjeteve, veçanërisht ato me më pak karaktere, janë historikisht të shtrenjta.

Një e tillë ishte edhe një targë në Dubai që “rrëmbeu” një shumë të majme në një ankand bamirësie, aq sa tani është ndër targat më të shtrenjta në botë.

E shitur në ankandin e bamirësisë “Numrat më fisnikë”, numri i targës së automjetit AA8 u shit për 35 milionë dirhemë ose rreth 9.5 milionë dollarë, sipas kursit aktual të këmbimit, përcjell Telegrafi.

Targa AA8 nuk është e vetmja targa e shtrenjtë me tri karaktere që është shitur për një shumë të lartë në ankand.

Targat me numrat “F55”, “V66” dhe “Y66” janë shitur të gjitha për mbi një milion dollarë secila. /Telegrafi/