Kur Bugatti prezantoi Centodieci në Pebble Beach gjatë vitit 2019, erdhi me një çmim prej 8 milionë eurove.

Megjithatë, një biznesmen japonez dëshiron ta shet një prej 10 njësive të kufizuara, për 12,5 milionë euro, transmeton Telegrafi.

Por ekziston vetëm një problem – vetura e shtrenjtë nuk do të mund të vozitet deri vitin e ardhshëm.

Centodiecin e shet një tregtar nga Tokio, i njohur në tregun holandez me James Edition.

Bëhet fjalë për një veturë që akoma nuk është prodhuar, e vetura është planifikuar t’i dorëzohet pronarit në janar të vitit të ardhshëm.

Në gjuhën italiane Centodieci do të thotë 110, dhe nderon modelin legjendar EB110. Gjithashtu feston 110-vjetorin e themelimit të kompanisë Bugatti.