Sirenat paralajmëruese po bien në qendër të Kievit. Qytetarë të shumtë tashmë kanë filluar të largohen nga vendi për shkak të sulmit rus, përcjell Gazeta Express.

Vladimir Putin po e bën atë që ka paralajmëruar muajve dhe javëve të fundit Perëndimi. Në orët e hershme të mëngjesit të së enjtes ai filloi invazionin me trupat ruse dhe hodhi raketa në territorin e vendit fqinj Ukrainës, duke e nisur kështu një luftë të re në Europë, pasojat e së cilës janë të paparashikueshme.