Një grua ka vdekur në QKUK si pasojë e lëndimeve në një aksident trafiku që ka ndodhur në autostradën “Arbën Xhaferi”, saktësisht në kilometrin e 5-të të rrugës Prishtinë-Lipjan.

Sipas njoftimit të Policisë, viktima femër kosovare, me veturën e saj është aksidentuar dhe ka goditur shtyllën e urës e cila ndodhet në autostradë.

Si pasojë ngasësja ka pësuar lëndime të rënda trupore dhe është dërguar për tretman mjekësor në QKUK. Mirëpo, viktima nuk ka mundur t’u mbijetojë plagëve.

Me urdhër të prokurorit trupi i pa jetë është dërguar në IML për autopsi.