Qeveria synon ta bëjë ligj kontrollimin e financimit të subjekteve politike, miratohet projektligji

PUBLIKUAR

Qeveria e Kosovës ka miratuar projektligjin për financimin e subjekteve politike. Ekzekutivi synon ta sjellë një ligj që kontrollon financimin e subjekteve politike, raporton Gazeta Express.

Kryeministri Albin Kurti, i cili e prezantoi propozim-vendimin, tha para kabinetit qeveritar se ky projektligj bazohet në opinionin e Komisionit të Venecias.

“Projektligji bazohet në opinionin e Komisionit të Venecias dhe në bashkëpunim të ngushtë me partnerët ndërkombëtarë dhe ekspertët vendorë. Ky projektligj parasheh dispozita në lidhje me kontrollin financiar të subjekteve politike, auditimin e raporteve financiare dhe publikimin e tyre”, tha ai.

Meqenëse një projektligj për financimin e partive politike nuk ka arritur ende të miratohet në Kuvendin e Kosovës, Kurti tha se Qeveria ka tentuar ta arrijë një konsensus para se ta sjellë këtë propozim-vendim në kabinetin qeveritar.

“Marrë parasysh faktin që projektligji për një kohë të gjatë nuk arrin të miratohet në Kuvendin e Kosovës, Qeveria jonë ka organizuar edhe tryezë, përmes së cilës edhe ka tentuar të arrijë konsensus politik para miratimit në Qeveri. Komentet e pranuara përmes këtij organizimi janë inkorporuar dhe forma më e mirë e këtij projektligji sot po prezantohet para jush”, tha kryeministri.

SHIKO MË SHUMË

Erëra të forta dhe reshje shiu, ky do të jetë moti sot në Kosovë

Instituti Hidrometeorologjik i Kosovës (IHMK) ka paralajmëruar se dita e sotme, e enjte, do...

‘‘UÇK, UÇK’’, thirrjet e qytetarëve teksa Jakup Krasniqi largohet nga shtëpia pas vizitës në Kosovë

Jakup Krasniqi ka përfunduar vizitën e tij që e zhvilloi sot në Kosovë. Krasniqi qëndroi...

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...