Një mënyrë e lehtë dhe e provuar për të hequr qafe shpejt dhimbjet shumë të pakëndshme…

Ky pozicion redukton menjëherë dhimbjen e shpinës ose e eliminon plotësisht atë, transmeton Telegrafi.

Kur ju dhemb pjesa e poshtme e shpinës, është mirë të shtriheni në një sipërfaqe të sheshtë të fortë, të ngrini këmbët në një kënd prej 90 gradësh me trupin dhe më pas t’i përkulni në gjunjë në të njëjtin kënd.

Këtë mund ta bëni edhe me një karrige.

Do të ndieni shpejt lehtësim, sepse ky pozicion lehtëson shtyllën kurrizore, zvogëlon spazmat e muskujve dhe parandalon dhimbjen e nervit shiatik.

Nga ky pozicion mund t’i tërhiqni këmbët shkurt deri në gjoks pesë deri në gjashtë herë.

– Në rast dhimbjesh akute, mund ta përsërisni këtë ushtrim dy deri në tre herë në ditë për 20 minuta, këshillojnë fiziatrit.

Udhëzimet:

▪ Shtrihuni në shpinë
▪ Ngrini këmbët në karrige në mënyrë që ijët dhe gjunjët të jenë të lakuar në një kënd të drejtë
▪ Lartësia e karriges duhet të përputhet me gjatësinë e kofshëve tuaja
▪ Merrni një pozicion sikur në foto 7 deri në 10 herë në ditë dhe qëndroni ashtu për afro 10 minuta.
▪ Kjo është vetëm ndihma e parë. Dhimbjet në pjesën e poshtme të shpinës nuk duhet të injorohen apo neglizhohen.

/Telegrafi/