Kompania britanike për modifikimin dhe “elektrifikimin” e veturave klasike, eDub, ka prodhuar një motor elektrik të Tesla të cilin e vendosur në një Volkswagen Golf GTI 2.

Performancat e Golf “dyshit” legjendar janë përmirësuar, dhe nga ana ekologjike është më i pranueshëm, transmeton Telegrafi.

Motori origjinal 1.8 litra me benzinë për Golf 2 GTI që prodhon 112 kuaj-fuqi, është ndërruar me një motor qind për qind elektrik. eDub ofron dy modele me fuqi të ndryshme: atë me 164 dhe 274 kuaj-fuqi.

Përveç kësaj, klientët mund të vendosin për bateri e30 prej 35 kWh apo e50 prej 54 kWh – duke i ofruar veturës autonomi në vozitje në një rreze prej rreth 275 kilometra.

Ndryshimet e caktuara janë kryer edhe në brendësi të mjetit, kështu në kabinë është hequr ndërruesi manual, e instrument tabela është ndërruar me një më moderne.

Në fund kur të gjitha këto llogariten, del se për këto ndryshime në Golf 2 GTI janë nevojitur 60.000 euro investime, përkatësisht 60.000 euro për e30 dhe 65.000 euro për versionin e50. /Telegrafi/