Marrja e kalciumit ka qenë gjithmonë e lidhur me kocka më të forta. Ne marrim suplemente dhe synojmë të mbajmë nivelet tona të larta për të qëndruar të shëndetshëm.
Por mund të jetë koha që të filloni t’i drejtoheni qumështit për më shumë mbrojtje të kockave. Një studim i ri nga BMJ raporton se ngrënia e produkteve të qumështit të pasura me kalcium dhe proteina redukton sasinë e rënieve dhe frakturave tek të moshuarit.
Prova e kontrolluar e rastësishme u krye tek të rriturit që jetonin në kujdesin rezidencial. Studiuesit në Australi, Holandë dhe Amerikë kryen provën e bërë në Australi.
Gjetje e madhe e studimit ishte se konsumi më i madh i qumështit, në ushqime të tilla si kos dhe djathë, ndihmoi të zvogëlojë rrezikun e frakturave me 33 për qind. Të rriturit në kujdesin rezidencial shpesh kanë marrje të ulët të kalciumit dhe proteinave, duke çuar në kocka të dobëta dhe një shans më të lartë për fraktura. Ata janë veçanërisht të prirur ndaj frakturave të ijëve, të cilat studimi zbuloi se u reduktuan me 46 për qind, ndërsa rëniet u reduktuan me 11 për qind.
Studiuesit shikuan në mënyrë specifike matjet e rekomanduara ditore të marrjes së kalciumit dhe proteinave. Ata u siguruan që pjesëmarrësit të ishin afër 1,300 mg të rekomanduar të kalciumit përmes produkteve të qumështit. Kjo ishte e rëndësishme pasi marrja e kalciumit për shumicën e të moshuarve në shtëpitë e kujdesit është zakonisht nën 700 mg.
Studimi sugjeron që në varësi të nevojave tuaja dietike, suplementet nuk duhet të jenë gjithmonë zgjidhja nëse keni pak kalcium. Hulumtuesit thanë se përmirësimi i marrjes sonë të kalciumit dhe proteinave përmes produkteve të qumështit “është një ndërhyrje lehtësisht e arritshme që zvogëlon rrezikun e rënies dhe thyerjeve te të rriturit e moshuar:.
Ndërsa jo të gjithë ne mund të futemi në këtë kategori, ne mund të fillojmë herët dhe t’i mbajmë kockat tona të shëndetshme duke iu drejtuar produkteve të qumështit. Kjo do të thotë të hani më shumë qumësht, kos dhe djathë në jetën tuaj të përditshme nëse mundeni. /Telegrafi/
