Opinioni arriti ta sheh prototipin e modelit të Bugatti Centodieci për herë të parë në vitin 2019, e vetëm nëntë blerësit e kësaj veture sportive do të duhej ta ngisnin mjetin e tyre kah mesi i vitit të ardhshëm.

Përveç se është i kufizuar numri i veturave të prodhuara, nga “atelieja” e Bugatti së shpejti do të pasurohet me modelin e ri të bazuar në EB110 nga vitet e 90-ta, që do të prodhohet në vetëm nëntë njësi dhe që të gjithë prej kohësh janë shitur, transmeton Telegrafi.

Në formë prototipi, Centodieci u prezantua në vitin 2019 dhe prej atëherë është në fazë të zhvillimi dhe testimit në kushte të ndryshme klimatike në mbarë botën.

Bugatti me fotografitë më të fundit ka treguar modelin testues Centodieci i shoqëruar nga modelet Chiron Pur Sport dhe Chiron Super Sport, ku po testohej në temperatura tejet të larta që inxhinierët e Bugattit dhe shoferët testuar këtë verë i realizuan në jugperëndim të SHBA-ve.

Testimet e gjata nuk janë risi në Bugatti, ku shpesh inxhinierët insistojnë që mjetet e tyre të testohen në temperatura edhe në minus 50 gradë celsius, e për Centodieci (që kushton tetë milionë euro).

Centodieci është pasardhës i Chiron, që e vë në lëvizje motori me 8.0 litra me 16 cilindra që me ndihmën e tre turbo-charge zhvillon 1.600 kuaj-fuqi, që janë mjaftueshëm që shpejtësia nga 0-100 kilometra në orë të arrihet për 2.4 sekonda e atë nga 0-300 kilometra në orë për 13.1 sekonda. Shpejtësia maksimale e kësaj veture është e kufizuar në mënyrë elektronike në 380 km/h. /Telegrafi/