Thibaut Courtois, portieri i Real Madridit, beson se Interi meritoi më shumë në San Siro në Champions League.

Reali arriti që ta mposhtë 1-0 Interin me golin e Rodrygos në minutën e 88’, por Courtois e di shumë mirë se ajo që ndodhi përgjatë 90 minutave nuk është pasqyrë e saktë me rezultatin në fund.

“Në pushim kemi marr këshilla nga Ancelotti. Në të dytën luajtëm më mirë, edhe pse Inter kishte raste më të mira dhe ndoshta merituan më shumë”, u shpreh portieri i Realit.

“Duhet të shohim përpara, ky ekip mund të shënojë gola. Nuk ishte ndeshja jonë më e mirë, por fituam në fund”. /Gazeta Express/