Trajneri i Romës, Jose Mourinho, e ka festuar fitoren e skuadrës së tij 4:0 kundër Salernitanas në mënyrën më italiane të mundshme.
Skuadra e Mourinhos i ka tani gjashtë pikë nga dy ndeshje në Serie A këtë sezon. Roma e shkeli plotësisht skuadrën e sapopromovuar në Serie A të dielën, raporton Gazeta Express.
Lorenzo Pellegrini i shënoi dy gola, ndërsa Jordan Veretout dhe Tammy Abraham nga një.
Rrugës drejt kthimit në kryeqytetin italian, Mourinho dhe stafi i tij i shijuan picat dhe portugezi e tregoi këtë përmes një postimi në rrjetet sociale.
“Pas një fitoreje të mrekullueshme, nuk ka më mirë se një picë e veçantë”, shkroi Mourinho në Instagram.
