Lionel Messi më në fund ka debutuar për Paris Saint-Germainin, pasi u fut në lojë nga stoli në takimin kundër Stade de Reims në Ligue 1.

Pritjes së gjatë për debutimin e Messit në fanellën e PSG-së i erdhi fundi të dielën në mbrëmje, raporton Gazeta Express.

Superylli argjentinas u fut në lojë në minutën e 65-të në vend të Neymarit, në takimin që po zhvillohet në Reims.

Messi iu bashkua PSG-së si lojtar i lirë në fillim të gushtit dhe nënshkroi marrëveshje dyvjeçare, me mundësi për edhe një vit tjetër.

 

Messi u largua nga Barcelona, klubin e vetëm për të cilin kishte luajtur gjatë gjithë karrierës, pasi katalonasit nuk ishin në gjendje t’i ofronin kontratë të re atij si pasojë e rregullave financiare të La Ligës. /Gazeta Express/