Transferi i ri Olivier Giroud u dërgoi një mesazh tifozëve të Milanit. Rossonerët kompletuan nënshkrimin e reprezentuesit francez sot dhe ish-sulmuesi i Chelseat do të veshë numrin 9 në San Siro sezonin e ardhshëm.
35-vjeçari mbërriti të enjten dhe bëri testet mjekësore të premten, para se të përfundonte transferimin me nënshkrimin e tij.
Milan zyrtarisht njoftoi ardhjen e Giroud në faqen e tyre zyrtare sot dhe Giroud tani u ka dërguar një mesazh tifozëve Rossoneri.
“Përshëndetje tifozë të Milanit”, shkroi ai në Twitter. “Jam shumë krenar dhe mezi pres të filloj këtë aventurë emocionuese me ju.
“Falënderoj Ivan Gazidis, të cilin e njoh prej kohësh, Paolo Maldini, Frederic Massara dhe trajnerin [Stefano] Pioli për mirëseardhjen. Forza Milan. ”
Ai ka shënuar 90 gola në 255 paraqitje në kampionat gjatë periudhës së tij me Gunners dhe Chelsea në Angli dhe 39 në 119 ndeshje që nga bashkimi me Blutë në janar 2018.
Giroud ka nënshkruar një marrëveshje dy-vjeçare me Diavolo deri në qershor 2023. /Gazeta Express/
