Marco Verrati është shfaqur në konferencë për media para finales të dielën në Kampionatin Evropian.

Italia do t’i matë forcat me Anglinë në finalen e Euro 2020 në Wembley.

Verratti i Paris Saint Germain është i vetëdijshëm se me kë do të përballen.

“Jam shumë i lumtur që do të përballemi me një ekip si Anglia në një stadium prestigjioz si Wembley. Do të jetë ndeshje historike”, tha ai.

“Anglia është skuadër shumë e fortë fizikisht, me lojtar me teknik të mirë. Ata gjithashtu do të luajnë në shtëpi, në stadiumin që e njohin shumë mirë. Kanë ekip të balancuar, duke mos harruar faktin se kanë pranuar vetëm një gol në këtë Kampionat Evropian”.

Finalja do të zhvillohet nga ora 21:00. /Gazeta Express/