Juventus thuhet se ka bërë një ofertë prej 30 milionë euro plus mbrojtësin Radu Dragusin për mesfushorin e Sassuolos dhe Italisë, Manuel Locatelli.

23-vjeçari ka qenë prej kohësh në radar të Juventusit dhe ishte afër një lëvizje në qytetin e Torinos edhe verën e kaluar.

Sassuolo duhet të bindet dhe çmimi i kërkuar do të rritet pas paraqitjeve të tij të shkëlqyera në Euro 2020, duke përfshirë edhe një fitore 3-0 ndaj Zvicrës.

Sipas Goal, Juventusi është i kujdesshëm ndaj një lufte ofertash dhe dëshiron ta bëjë marrëveshjen përpara se vlera e tij të rritet më tej.

Propozimi i tyre i parë është me vlerë 30 milionë euro plus Dragusin, një mbrojtës 19-vjeçar nga akademia e tyre e të rinjve.

Sidoqoftë, çmimi i kërkuar për Locatelli është të paktën 40 milionë euro dhe rritet gjatë gjithë kohës, kështu që kjo ndoshta është vetëm një ofertë fillestare. /Gazeta Express/