Dy ish-konkurrentët e “Për’puthen”, Melisa – Andi, lidhjen e tyre e konfirmuan pas daljes nga emisioni, pasi ky i fundit ishte larguar më parë si çift me Tea Trifonin, e që më pas u zbulua se ishte vetëm një ‘lojë’.

Që nga momenti që kanë bërë lidhjen publike dyshja shfaqen kudo bashkë dhe madje kanë treguar se kanë një lidhje shumë të fortë.

Mirëpo, një shprehje e publikuar dje nga Melisa i ka bërë të gjithë të dyshojnë se ata mund t’i kenë dhënë fund lidhjes së tyre.

Melisa ka postuar në rrjetin social “Instagram”, një thënie ku shkruhet se duhet ta pranosh se je i vetëm në botë dhe se mund të mbështetesh vetëm tek vetja për çdo gjë.

Këto fjalë i bënë ndjekësit të dyshonin se Andi mund t’i kishte thyer zemrën Melisës e se shprehja i dedikohej pikërisht atij.

Por dyshja i kanë hedhur menjëherë poshtë këto zëra dhe kanë treguar se çdo gjë mes tyre po shkon më së miri. Andi ka postuar një foto me Melisën dhe i ka bërë një dedikim shumë romantik.

“As vdekja nuk mund të ndajë”, ka shkruar ai përkrah fotos.

Po, ashtu Melisa i është përgjigjur në komente me një mesazh.

“Foto pasaporte për Amel kjo. Deri në përjetësi zemër”, shkruan Melisa.