E dashura e Marco Verratit, Jessica Aidi, është tallur me sulmuesin e Bayern Munich, Thomas Muller, pasi Paris Saint-Germaini kaloi në gjysmëfinale të Ligës së Kampionëve të martën.
Bayerni e fitoi 1:0 ndeshjen e dytë çerekfinale mbrëmë në Paris, por PSG-ja e arriti gjysmëfinalen falë golave si mysafir pas rezultatit të përgjithshëm 3:3, transmeton Gazeta Express.
Kampioni francez, i cili sezonin e kaluar u mposht nga Bayerni në finale të kësaj gare, u hakmor për humbjen e para tetë muajve në Lisbonë.
Kur Bayernit i ra shorti të luajë kundër PSG-së në çerekfinale, Muller e postoi një video në rrjetet sociale duke i thënë lamtumirë kampionit francez paraprakisht: “Au revoir”.
Pasi PSG-ja ia doli ta eliminojë Bayernin, e dashura e mesfushorit italian të klubit francez iu kundërpërgjigj sulmuesit gjerman.
Ajo e postoi një video në Instagram: “Më vjen keq, s’më vjen keq. Au revoir”/Gazeta Express/
