Mesfushori i Interit, Christian Eriksen, është tallur me bashkatdhetarin e vet te Milani, Simon Kjaer, duke thënë se ai ndodhet në qytetin e duhur por në ekipin e gabuar.
Duke folur në një intervistë për TV2, Eriksen tha se Kjaer i ka ndihmuar shumë që prej mbërritjes së tij në Serie A nga Tottenhami, transmeton Gazeta Express.
Danezi foli për jetën e tij në Itali.
“Kjaer më ka ndihmuar shumë që prej se kam ardhur në Itali, por natyrisht, ai luan për ekipin e gabuar. Në fund të fundit, ai është në qytetin e duhur”, tha Eriksen me shaka.
“Kam luajtur me të një kohë të gjatë dhe e njoh atë shumë mirë edhe jashtë fushës. Ai më ndihmoi të sistemohen në Itali”, shtoi ai.
