Pas barazimit 3:3 me Arminia Bielefeldin, Bayern Munich nuk ka arritur të triumfojë as në ndeshjen e radhës në Bundesligë ndaj Eintracht Frankfurt.

Bavarezët madje u mposhtën 2:1 në transfertë, duke vazhduar të lëshojnë pikë, shkruan Gazeta Express.

Kamada dhe Younes shënuan për vendasit në pjesën e parë, kurse Lewandowski e ngushtoi epërsinë, por që ai gol vlen vetëm për statistika.

Ne tabelë, Bayerni vazhdon të prijë me 49 pikë, pesë më shumë se Leipzig, i cili tani ka një ndeshje në dorë dhe mund ta ngushtojë diferencën e pikëve në vetëm dy. /Gazeta Express/