Rivaldo vazhdon ta mbështesë Leo Messin.

Pas dëshirës për t’u larguar verën e kaluar, këto ditë doli në pah kontrata marramendëse e Lionel Messit, që analistë të ndryshëm, pak a shumë, edhe shkaku i COVID-19, e akuzojnë argjentinasin për situatën ekonomike në klub.

Sido që të jetë, për legjendën e klubit, Rivaldo, gjëra të tilla as që duhet diskutuar dhe për shumë sezone Messi i ka dhënë aq shumë kësaj Barcelone saqë gjërat e tjera janë “imtësia”.

“Shikoni, gjithçka që Messi ka bërë për FC Barcelona është shumë më e madhe se ajo që ka marrë nga klubi. Është e pamundur të përcaktohet sasia e asaj që Messi i ka dhënë klubit dhe ai vazhdon t’i japë financiarisht dhe në apsketin sportiv”, tha Rivaldo.

“Më duket e padrejtë për që dikush po e kritikon atë për kontratën pas gjithë asaj që ka kontribuar, duke tërhequr sponsorë, mediat, tifozë… është një marrëveshje normale që Messi të ketë përfitimet e tij. Duhet të matni gjithçka në atë kontratë”, këmbënguli Rivaldo.

Sipas “El Mundo”, që publikoi ditë më parë kontratën, Messi ka fituar më shumë se 500 milionë për katër sezone. /Gazeta Express/