Duket se kohës së Mesut Ozilit në Arsenal po i vjen fundit, pasi drejtori sportiv i Fenerbahces Emre Belozoglu konfirmoi se mesfushori gjermano-turk është më afër se kurrë t’i bashkohet klubit turk.
Marrëveshja e 32-vjeçarit me Arsenalin mbaron në fund të këtij sezoni, por përfaqësuesit e tij kanë mbajtur bisedime me Fenerbahcen dhe DC Unitedin për kalimin e tij gjatë afatit kalimtar të janarit, transmeton Gazeta Express.
Ozil nuk është i regjistruar në skuadrat e Arsenalit për ndeshjet e Premierligës dhe Ligës së Evropës dhe nuk ka luajtur për topçinjtë që prej marsit.
Duke folur për mediat turke në lidhje me kalimin e mundshëm të Ozilit në Fenerbahce, Emre tha: “E kemi pasur një takim me të dhe menaxherin e tij. Mesut është më afër së kurrë më parë”.
