Me një fitore ebentuale ndaj Athletic Bilbaos, “Los Blancos” synojnë t’i bashkohen Barçës në finale të Superkupës së Spanjës

Real Madridi do të mundohet t’i ndjekë hapat e Barcelonës sonte duke u kualifikuar në finale të Superkupës së Spanjës.

“Los Blancos” do të luajnë sonte me Athletic Bilbaon në gjysmëfinale të kësaj gare, shkruan Gazeta Express.

Kampioni aktual spanjoll llogaritet si favorit për ta prerë një biletë për në finale.

Megjithatë, edhe Bilbao do ta tentojë të njëjtën gjë deri në momentet e fundit.

Në rast se Reali shkon në finale, të dielën do të mund ta shihnim një “El Clasico”.

Kjo pasi Barça e mposhti paraprakisht Real Sociedadin me penallti në gjysmëfinalen tjetër.

Ndeshja në mes të Real Madridit dhe Athletic Bilbaos luhet sonte duke filluar nga ora 21:00. /Gazeta Express/