Ashley Cole ishte duke thënë se Lionel Messi e kishte shënuar vetëm një gol kundër Chelseat gjatë qëndrimit të tij tetëvjeçar në Stamford Bridge, kur e kuptoi se superylli i Barcelonës në fakt nuk kishte shënuar kurrë kundër të kaltërve.
Pra, si ia doli ai atëherë? Sigurisht se ish-mbrojtësi anësor e di fshehtësinë për ta ndalur mbase lojtarin më të mirë në historinë e futbollit, transmeton Gazeta Express.
“Nuk isha vetëm unë”, tha Cole në një intervistë për Goal kur u pyet sesi ia doli të mos e lejojë Messin të shënojë gol kundër Chelseat gjatë kohës së tij.
“Përpjekjet e ekipit ishin masive. Kur vinte puna t’i ndalnim lojtarët si ai, ne e kuptonim shumë mirë njëri-tjetrin si ekip dhe ishim shumë të bashkuar”, shtoi ai.
“Edhe mesfusha jonë luante rol në këtë. Natyrisht se nuk isha vetëm unë”.
Messi u takua me Cole gjashtë herë në Ligën e Kampionëve dhe nuk ia doli të shënojë asnjëherë. /Gazeta Express/
